مغامرات مطبخيه هاهاهاههاهها

والله عسل قوي بجد ههههههههههههه
تسلم ايدك يا عطر علي الحاجات الجامدة دي

اول مرة كانت مكرونة
وطبعا بوظت فيها يجي خمسة كيلو ههههههه
اول مرة زودت السوا عليها ولما سبتها حبة عجنت ههههههه
ثاني مرة مصفيتهاش ههههههههههه
ثالث مرة صفيتها وطلعتها مستوية ومظبوطة بس مقلبتهاش كويس اتحرقت
رابع مرة بقي طلعت تحفة وهكذا لحد دلوقتي مفيش ولا مرة تتعجن مني

يوم المكرونة بالبشاميل بقي اللي كنت بتلغبط في مقادير اللبن والبيض وطبعا باظت مني كذا مرة لحد ما اتظبطت بردو
واديني لسة بتعلم اهو هههههههههههه

ميرسي يا قمر

إحم إحم

بالرغم من إني مفضوح خلقة -- بس مفيش مشكلة نفضح نفسنا كمان

ههههههههههههههه

انا أول يوم جربت أطبخ فيه كنت في ثانوي - والدتي في الشغل و انا عندي درس و كان لازم اطبخ انا علشان اتغدى قبل ما انزل

اتصلت بيها في الشغل علشان تقوللي على طريقة عمل الرز

و عملته زي ما هي قالتلي - بس طبعا لأنني مش متعود على الطبيخ نسيت اني حاطط حاجة ع النار
و كانت النتيجة ظهور لون تالت للرز -- في رز أبيض و رز أحمر

انا خليته اسود و منيل بنيلة

هههههههههههههههههههههههههههههههههههههههههههه

-------------- دي كانت اول مرة طبخت فيها -- بس بعد كدة بقيت بعمله حلو يعني

و الأكل اللي غاوي اعملها برده المكرونة -- بس الحمد لله معجنتش مني زي سلمى

--------------- و في مرة تانية حبيت أعمل بسبوسة

جبت كيس بسبوسة واتبعت التعليمات على ضهر الكيس بالظبط - ولما عملتها كان طعمها بسبوسة فعلا

بعد ساعتين بالظبط بقت حاجة تانية عجيبة -- اول مرة اشوف بسبوسة ناشفة وليها طعم الخبيزة

ههههههههههههههههههههههههههههههههههههههههههههههههههههههه


يلا ورونا انتو بقا فضايحكم

ههههههههههههههههههههههههههههههههههه انت اصلا ايه اللي دخلك المطبه .. يعني احنا مجبرين .. شكلك بتحب تغسل المواعين اوي هههههههههههههههههههههههه



دنتو عك اوي .. انا الحمد لله .. كل حاجة بعملها بتطلع زي العسسسسسسسسسسسل هههههههههههههههههههههه


بس كل حاجه بتتحرق مني .. آخر مره من كام اسبوع كده ماما وصتني على رز اعمله .. رحت غسلت الرز وخليته لمعه .. اعدت اغسل فيه ولا النص ساعه .. بعدين حطيته على النار وزبط الملح وكل حاجة .. وقلت على مايغلي ابدأ في الفراخ ..
وانا عماله انضف فيها .. اشملك ريحه غريبه .. اقول ايه ده معقول الفراخ خربانه .. انا مالي انا هعمل اللي يتسمم يتسمم مش مشكلتي .. خلصت الفراخ والريحه في تتزايد ... بدات بالبصل .. خلصت البصل .. ومازالت الريحه في تزايد .. عملت الفراخ وطلعت نص ميه ميه ومازالت الريحه مصصمه انها تتزايد .. طبعا بذكائي الشديد .. قدرت اتوصل لأني الريحه دي كانت طالعه من حله الرز اللي بقت سوده .. والحمد لله..

المهم قلت محدش هيلاحظ ان شاء الله .. والاهل جم واتكرموا اعدو مستنين حضرت الاكل ..

وانا بكل فخر بحطلهم الغدا .. وبعدها رحت مفلسعه .. ماما قالت ايه تعالي اتغدي معانا .. قلتلها بكل مسكنه اني عارفاني ياماما لما بطبخ مش بعرف اكل .. ورحت على السرير عملت فيها القتيله .. مفيش 5 دقايق بقيت قتيله فعلا .. طبعا كان دش كلام رخم اوي .. وهددتني مش هجوزك ولا هجبلك عريس هههههههههههههههههههه وكله كان مصيره الباسكت

ومن بعدها لا غسلت المواعين ولا دخلت المطبخ من اساسه هههههههههههههههههههههه

سبحان الله انا عكس اللى بتقولوه تماما لانى لما بعمل الحاجه لاول مره بتطلع حلوه قوى لانى ببقى واخده بالى من كل حاجه بس بجد فكرتونى بايام زمان لان المطبخ وحشنى جدا اصلى مش بدخله غير فى الاجازه بس والسنه دى مش اخدت اجازه كان عندى تدريب بس هو المفروض انى بعرف اعمل كل حاجه بس شكلى نسيت ووعد منى اول ما دخل واعمل حاجه هاجى احكيلك على طووووووووووووووووول